Çap, səhifə parametrləri və qısayollar

Ayselin hesabatı ekranda əla görünür. Çap edəndə isə son sütun ikinci səhifəyə düşür, üçüncü səhifədə başlıqlar yoxdur, xanaların xətləri də görünmür. Tanış vəziyyətdir? Bir neçə səhifə parametri bu problemlərin hamısını həll edir. Dərsin ikinci yarısında isə peşəkarları yeni başlayanlardan ayıran qısayollarla tanış olacaqsan.

Çapdan əvvəl baxış

1. 1
   Çap pəncərəsini aç

   File › Print seç və ya Ctrl+P bas. Sağda səhifələrin necə görünəcəyi göstərilir, aşağıda isə səhifələr arasında keçmək olar.

2. 2
   Nəyi çap edəcəyini seç

   Settings altında: Print Active Sheets (aktiv vərəq), Print Entire Workbook (bütün kitab) və ya Print Selection (yalnız seçilmiş diapazon).

3. 3
   İstiqamət və kağız

   Geniş cədvəl üçün Landscape Orientation (albom), kağız ölçüsü üçün adətən A4 seç. Margins siyahısında Narrow kənar boşluqları azaldır.

4. 4
   Səhifəyə sığdır

   Ən aşağıdakı miqyas siyahısında Fit All Columns on One Page seç — bütün sütunlar bir səhifənin eninə sığacaq. Fit Sheet on One Page isə bütün vərəqi bir səhifəyə kiçildir (böyük cədvəldə yazı çox xırda ola bilər).

`Page Layout` tabı

• Page Layout › Page Setup › Print Area › Set Print Area — yalnız seçilmiş diapazon çap ediləcək.
• Page Layout › Page Setup › Print Titles — Rows to repeat at top sahəsinə $1:$1 yaz və başlıq sətri hər səhifədə təkrarlanacaq.
• Page Layout › Scale to Fit — Width: 1 page seçimi sütunları bir səhifənin eninə sığdırır.
• Page Layout › Sheet Options — Gridlines › Print xanaların xətlərini çapa çıxarır (standart olaraq onlar çap olunmur).

View › Workbook Views › Page Break Preview rejimində səhifələrin sərhədləri göy xətlərlə göstərilir — onları siçanla dartaraq səhifənin harada bitəcəyini özün seçə bilərsən. Səhifə nömrəsi əlavə etmək üçün Insert › Text › Header & Footer əmrini ver və Header & Footer tabında Header siyahısından hazır «Page 1 of ?» variantını seç — çapda «Page 1 of 3» kimi yazı alınacaq. Page Number və Number of Pages düymələri ilə belə yazını özün də qura bilərsən.

Ən vacib qısayollar

Vaxta qənaət edən vərdişlər

• Key Tips: Alt düyməsini bas və burax — lentdə hərflər görünəcək. Məsələn, ardıcıl Alt, H, O, I sütunun enini məzmuna uyğunlaşdırır. Siçansız istənilən əmrə çatmaq olar.
• Düsturları dəyərə çevir: xanaları köçür, sonra Ctrl+Alt+V › Values › OK. Hesablanmış nəticələr qalır, düsturlar isə yox olur — faylı başqasına göndərməzdən əvvəl faydalıdır.
• Axtarış sahəsi (Alt+Q): əmrin yerini unutmusansa, adını yaz — məsələn, «freeze».
• Sürətli giriş paneli: tez-tez işlətdiyin əmrə sağ kliklə › Add to Quick Access Toolbar.
• Tez yoxla: rəqəmləri seç və status sətrinə bax; düsturu doldurma markerinə iki dəfə klikləyərək sütunun sonuna qədər uzat.